सोमवार, पौष १९ २०७८
निर्मला पन्त प्रकरणमा नयाँ ट्वीस्ट देखिएको छ । कञ्चनपुरकी निर्मला पन्तको जबरजस्ती करणीपछि ज्यान लिइएको आरोपमा अर्को एकजना पक्राउ परेका छन् । एकजना शंकास्पद भारतीय नागरिकलाई प्रहरीले पक्राउ गरेर नेपाल ल्याएको हो ।
१० साउन २०७५ मा कञ्चनपुरको भिमदत्त नगरपालिका उल्खाटामकी निर्मला पन्तको जबरजस्ती करणीपछि ज्यान लिइएको थियो । १३ बर्षीया निर्मलाको जबरजस्ती करणीपछि ज्यान लिइएको अभियोगमा संलग्न रहेको आशंकामा प्रहरीले भारतीय नागरिक निकार अलीलाई पक्राउ गरेको जनाएको छ । जानकारी अनुसार १५ दिनअघि उनलाई पक्राउ गरिएको हो । तर डिएनए रिपोर्ट आउन बाँकी रहेकाले सार्वजनिक गरिएको छैन ।
शंकास्पद अलीलाई नेपाल ल्याएपछि प्रहरी प्रधान कार्यालयको अपराध अनुसन्धान विभागका एआईजी प्रद्युम्न कार्की गत साता कञ्चनपुर जानु भएको खुलेको छ । विधि विज्ञान प्रयोगशालामा डिएनए परिक्षणका लागि स्याम्पल पठाइएको तर, रिपोर्ट आउन बाँकी रहेको एक प्रहरी अधिकारीले बताउनुभयो । उहाँका अनुसार निकार अलि कञ्चनपुर स्थित निर्मला पन्तको जबरजस्ती करणीपछि ज्यान लिइएको ठाउँ नजिकै तरकारी खेती गर्थे ।
जग्गा भाडामा लिएर तरकारी खेती गर्ने गरेको अनुसन्धानबाट थाहा भएको छ । डिएनए नमिलेसम्म उनलाई सार्वजनिक नगरिने प्रहरीको भनाई रहेको छ ।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
