मंगलवार, श्रावण ५ २०८३
सरकारले निजी शिक्षा र स्वास्थ्यमा लगाइएको समता कर हटाएको छ । चौतर्फी विरोधपछि सरकारले शिक्षा समता शुल्क र स्वास्थ्य समता शुल्क लागू नगर्ने निर्णय गरेको हो । प्रधानमन्त्री बालेन्द्र शाहले अर्थमन्त्री डा.स्वर्णिम वाग्लेसँग छलफलपछि कर फिर्ता लिने निर्णय गरेको बताएका छन् ।
सो करप्रति नागरिक असन्तुष्ट देखिएको उल्लेख गर्दै उनले फेसबुकमा लेखेका छन्,‘निजी शिक्षा र स्वास्थ्य क्षेत्रमा लगाइएको तीन प्रतिशत समता कर अहिले भनेबमोजिम नै कार्यान्वयन गर्दा आम मानिसले थप खर्च र निराशा भोग्नुपर्ने देखियो, यसैले माननीय अर्थमन्त्री स्वर्णिम वाग्लेसँगको परामर्शपछि हालका लागि शिक्षा समता शुल्क र स्वास्थ्य समता शुल्क लागू नगर्ने निर्णय गरिएको छ ।’
सरकारले साउन १ गतेदेखि शिक्षा र स्वास्थ्यमा समता कर लगाएको थियो । नागरिकलाई करको बोझ थुपारेको भन्दै चौतर्फी आलोचना भएपछि सरकार पछाडि हटेको हो ।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
