बिहिवार, श्रावण २१ २०८३
काठमाडौँ विश्वविद्यालयका उपकुलपतिको सर्टलिष्ट (अल्पसूची) मा परेका उम्मेदवारले अन्तर्वार्ता र प्रस्तुतीकरणमा सहभागी नहुने घोषणा गरेका छन् । उपकुलपतिका उम्मेदवार प्रा.डा.नीरञ्जन पराजुलीले नियुक्ति प्रक्रियामा निष्पक्षताको प्रश्न उठाउँदै अन्तर्वार्तामा सहभागी नहुने घोषणा गरेका हुन् ।
पराजुलीले भने- ‘उनीहरूले मलाई अनलाइन अन्तर्वार्ता दिन भनेका थिए, तर मैले अस्वीकार गरिदिएँ किनभने मैले विश्वविद्यालय अनुदान आयोगमा पनि आवेदन दिएको थिए । विश्वविद्यालय अनुदान आयोगमा ६० जना आवेदकहरू थिए, तर उनीहरूले अवधारणा पत्र र अन्तर्वार्ताको मूल्याङ्कन नै नगरी अध्यक्ष चयन गरे । अन्तर्वार्ता भनेको नाटक मात्रै हो । ’
‘काठमाडौँ विश्वविद्यालयको उपकुलपति छनोट तथा सिफारिससम्बन्धी कार्यविधि, २०८३’ बमोजिम उपकुलपति पदका लागि परेका दरखास्तहरूबाट वर्णानुक्रमअनुसार उम्मेदवारहरूको नामावली छनोट गरिएको थियो ।
छनोटमा परेका उम्मेदवारहरूमा दयाराम पोखरेल, निरञ्जन पराजुली, बालचन्द्र लुइँटेल, विकास नकर्मी, बिमप्रसाद श्रेष्ठ, राजेन्द्र जोशी, विवेक बराल, शेषानन्द सञ्जेल, सुबोध शर्मा र हरिप्रसाद न्यौपाने रहेका छन् । संक्षिप्त सूचीमा परेका उम्मेदवारहरूको प्रस्तुतीकरण र अन्तर्वार्ता साउन २२ गते शिक्षा तथा खेलकुद मन्त्रालयमा हुने भएको छ ।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
