सोमवार, आषाढ २२ २०८३
६७औँ अन्तर्राष्ट्रिय गणित ओलम्पियाडका लागि ६ नेपाली विद्यार्थी चीन प्रस्थान गरेका छन् । यस वर्ष चीनको शांघाईमा आयोजना हुने ६७औँ अन्तर्राष्ट्रिय गणित ओलम्पियाड २०२६ मा नेपालको प्रतिनिधित्व गर्न छनौट भएका ६ जना विद्यार्थी हिजो शनिबार चीन गएका हुन् ।
म्याथमेटिकल एसोसिएसन अफ नेपालले देशभर सञ्चालन गरेको जिल्ला, प्रदेश र राष्ट्रिय तहको बहुचरणीय छनोट तथा विशेष प्रशिक्षणपछि ६ विद्यार्थीहरूलाई छनोट गरेको हो । यस वर्ष छनोट हुने प्रतिस्पर्धीहरूमा मिसन जोशी, युगान्तर कालाखेती, प्रसिद्ध थापा, आयम आचार्य, अरिज पोखरेल र निसान खत्री रहेका छन् ।
६७औँ अन्तर्राष्ट्रिय गणित ओलम्पियाड नेपालको अन्तर्राष्ट्रिय गणित ओलम्पियाड २०२६ टोलीका नेता अध्यक्ष हरि प्रपन्न कँडेलका अनुसार यो प्रतियोगिता सरकारको स्टिम विकाससम्बन्धी राष्ट्रिय कार्यविधि–२०८२ अनुरूप सञ्चालन हुँदै आएको छ र यसको प्रतिवेदन विज्ञान,प्रविधि तथा नवप्रवर्तन मन्त्रालयमा समेत पेस गरिनेछ ।
विगत एक दशकभन्दा बढी समयदेखि सञ्चालित यस कार्यक्रमले नेपाली विद्यार्थीको तार्किक क्षमता, सिर्जनशील सोच र अन्तर्राष्ट्रिय प्रतिस्पर्धात्मक क्षमता विकासमा महत्त्वपूर्ण भूमिका खेल्दै आएको कँडेलले बताए ।
यस वर्षको नेपाली टोलीमा उपनेता नारायण पौडेल, संयोजकमा छवि ढुङ्गाना र प्रमुख प्रशिक्षकमा प्रजित अधिकारी रहेका छन् ।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
