शुक्रवार, बैशाख १४ २०८१
काठमाडौँ ।वैशाख १४, काठमाडौँ महानगरपालिकाले विद्यालय समयभित्र अन्यत्र कुनै किसिमको काम नगर्न शिक्षकहरूलाई चेतावनी दिएको छ । काठमाडौँ महानगरको शिक्षा विभागकी निमित्त प्रमुख सरस्वती पोखरेलले एक सूचना जारी गर्दै महानगरभित्रका सबै सामुदायिक विद्यालयमा कार्यरत शिक्षक-शिक्षिकाहरूलाई यस्तो चेतावनी दिएकी हुन् । महानगरभित्रका विद्यालयहरूलाई विद्यालयको नियमित पठनपाठनमा प्रभावित हुने गरी विद्यालय समयभित्र एसईईको उत्तरपुस्तिका परीक्षण गर्ने लगायत कार्यमा नपठाउन भनिएको हो । सम्पुर्ण शिक्षकहरूलाई समेत यसै सूचनालाई आधार मानी विद्यालय समयभित्र विद्यालयको नियमित पठनपाठनमा प्रभावित हुने गरी अन्यत्र कार्यमा संलग्न नहुन सचेत गराएको हो । कथमकदाचित यसो गरेको पाइएमा प्रचलित ऐन, कानुनबमोजिम कारबाही गरिने चेतावनी दिएको छ । त्यसैले आफ्नो मुख्य पेशाप्रति बफादार रहन समेत अपिल गरिएको हो।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
