आइतवार, चैत्र २५ २०८०
जुम्ला ।चैत्र २५, हिमाली जिल्ला जुम्लामा यो वर्ष समयमै पाठ्यपुस्तक पुगेको छ । यसअघिका वर्षहरुमा पाठ्यपुस्तक समयमा नपुग्ने जुम्लामा यो पटक नयाँ शैक्षिक सत्र सुरु नहुँदै पाठ्यपुस्तक पुगेको हो । यसले साच्चिकै यहाँका स्थानीयहरु अचम्मित परेका छन् । जुम्लाको सदरमुकाम खलङ्गा बजारमा रहेको जिपी स्टेसनरीका सञ्चालक गणेश रोकायाले नयाँ शैक्षिक सत्र सुरु हुनु एक महिना अगावै पाठ्यपुस्तक जिल्लामा पुगिसकेको जानकारी दिएका हुन । रोकायाले भने, “जिल्लाका स्थानीय तहमा रहेका कतिपय विद्यालयले पाठ्यपुस्तक खरिद गरेर लगिसकेका छन् । अहिलेसम्म पातारासी गाउँपालिकाका चार, गुठीचौरका २ र तिलाका ४ वटा विद्यालयले पाठ्यपुस्तक लिएका छन् ।” भने थप अरू स्थानीय तहका विद्यालयले पनि पाठ्यपुस्तक लैजाने तयारी गरिरहेको संचालक रोकायाको भनाइ छ । उनि भन्छन् यही चैत ११ गते कक्षा १-१० सम्मका एक/एक हजार थान पुस्तक आइसकेका छन् । सरकारले हिमाली जिल्लामा माघ मसान्तभित्रै जनक शिक्षा सामग्री केन्द्रबाट पुस्तक छपाइ गरेकाले यो वर्ष पुस्तक वितरण सहज भएको हो । विद्यालय सञ्चालन हुनु पूर्वनै प्रत्येक विद्यार्थीको हातहातमा पाठ्यपुस्तक पुग्ने भएको संध्या स्टेसनरीका सञ्चालक सुनम खड्काले बताए । उनका अनुसार शनिबार पाँच/पाँच सय थान पाठ्यपुस्तक आइसकेका छन् । निश्चित सूचीकृत भएका स्टेसनरीबाट पाठ्ययुस्तक विद्यालयले खरिद गरेर लैजाने गरेका सिञ्जा गाउँपालिका शिक्षा शाखा प्रमुख शङ्कर धितालले जानकारी दिए । उनका अनुसार पाठ्यपुस्तक खरिद गरेर तिलाका सबै विद्यालयमा समयमै पुर्याउन विद्यालयलाई परिपत्र समेत गरिएको हो।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
