बुधवार, फाल्गुण १२ २०७७
काठमाडौं , माध्यमिक शिक्षा परीक्षा कक्षा १० (एसईई) र कक्षा १२ को अन्तिम वार्षिक परीक्षा एक साताको अन्तरमा जेठको तेश्रो सता र अन्त्यमा हुने भएको छ । राष्ट्रिय परीक्षा बोर्डले आगामी जेठ मा एसईई र कक्षा १२ को बार्षिक परिक्षा गर्ने तयारीमा जुटेको छ ।
बोर्डका उपाध्यक्ष प्रा.डा. चन्द्रमणि पौडेलले परीक्षाका लागि आन्तरिक तयारी भइरहेको उल्लेख गर्दै चैतभित्र औपचारिक परीक्षाको कार्यतालिकाबारे निर्णय गरिने जानकारी दिनुभयो ।
एसईईका लागि देशभरका विद्यार्थीले रजिस्ट्रेसन फाराम भर्ने म्याद फागुन ६ गते सकिएको छ । हाल जिल्ला–जिल्लामा विद्यार्थीको अभिलेखीकरण गर्ने कार्य भइरहेको जानकारी बोर्डले दिएको छ । चैतसम्म देशैभरि विद्यार्थीको विवरण संकलन गरिसके पछी विद्यार्थीको संख्या यकिन हुने छ ।
त्यस्तै कक्षा ११ र १२ मा अध्ययन गर्ने विद्यार्थीको रजिस्ट्रेसन भर्ने काम भइरहेको छ । बोर्डले फागुनभित्र रजिस्ट्रेसन फाराम भर्ने समय विद्यार्थीलाई उपलब्ध गराएको छ । फारम भरेपछि सबै खालका तयारी पूरा हुने र जेठ अन्तिम सातामा कक्षा १२ को परीक्षा लिन सकिने आकलन बोर्डका पदाधिकारीले गरेका छन् ।
कक्षा ११ को अन्तिम परीक्षा भने सम्बद्ध विद्यालयले नै सञ्चालन गर्ने छ । गत वर्ष सरकारले कक्षा ११ को परीक्षा सञ्चालन, नतिजा प्रकाशनलगायतको अधिकार सम्बद्ध विद्यालयलाई नै दिने निर्णय गरेको थियो । सरकारले नयाँ कुनै नीतिगत निर्णय गरेबाहेक कक्षा ११ को परीक्षा सम्बद्ध विद्यालयले नै सञ्चालन गर्ने जानकारी बोर्डका उपाध्यक्ष पौडेलले दिनुभयो ।
गोरखापत्र पत्र
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
