सोमवार, आषाढ २८ २०७८
शिक्षक, कर्मचारी र विश्वविद्यालयका प्राध्यापकले मंगलबार देखि कोरोना भाईरस कोभिड १९ विरुद्धको खोप पाउने भएका छन् ।
मंगलबार देखि शुरु हुने खोप अभियानमा उनीहरुलाई प्राथमिकता दिने निर्णय भएको स्वास्थ्य तथा जनसंख्या मन्त्रालयले जनाएको छ । चीनियाँ कम्पनीसँग गरिएको सम्झौता अनुसारको खोप आउने क्रम शुरु भएसँगै सोमबार बसेको मन्त्रालयको बैठकले मंगलबार देखि खोप अभियान शुरु गर्ने निर्णय गरेको हो ।
मंगलबार देखि बागमती, गण्डकी र लुम्बिनी प्रदेशमा भेरोसेल खोप कार्यक्रम सञ्चालन गर्ने निर्णय भएको मन्त्रालयका प्रवक्ता डा. कृष्ण पौडेलले जानकारी दिए । चिनियाँ कम्पनी सिनोफार्मसँग खरिद सम्झौता भएको मध्ये ८ लाख खोप शुक्रबार काठमाडौं आएको छ ।
साउन ८ गतेसम्म थप दुई उडानमार्फत बाँकी खोप ल्याउने सरकारको योजना छ । प्रवक्ता पौडेलका अनुसार मंगलबार देखि शुरु हुने खोप अभियानमा शिक्षक, कर्मचारी र विश्वविद्यालयका प्राध्यापक सँगै सार्वजनिक यातायातमा काम गर्ने चालक र सहचालक, नेपाल सरकारले तोकेको अत्यावश्यक सेवा प्रवाहमा संलग्न व्यक्ति र खोप अनिवार्य गरेका देशमा जाने नेपाली नागरिकलाई पहिलो मात्रा दिइने छ ।
यो अभियानमा खोप लगाउन बाँकी रहेका ५५ वर्ष र सो भन्दा माथिका उमेर समूहका व्यक्तिले पनि खोप लगाउन सक्ने छन् ।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
