शनिवार, चैत्र ७ २०७७
नेपाली विद्यार्थीले तयार गरेको ‘गरुडा’ नामको रकेट आज धनुषाको भिमानमा प्रक्षेपण परीक्षण गरिएकाे छ ।
आज भएको प्रक्षेपणमा गरूढ रकेट १० सेकेन्डसम्म आकाशमा उडेको थियो । करिब डेढ सय मिटर आकाशमा उडेपछि हावाका कारण रकेट ‘क्र्यास’ हुन पुगेको छ । टिमले एक महिनापछि पुनः प्रक्षेपण गर्ने योजना ल्याएको छ । याे रकेट १० हजार फिटमाथि पुग्ने अनुमान गरिएकाे थियाे ।
‘१० सेकेन्डमै क्र्यास भयो । हावाका कारण रकेटले ‘पिक गेन’ गर्न सकेन । आजको अनुभवले हामीलाई के के मिल्याे, के के मिलेन भनेर धेरै सिकाएको छ । पुनः एक महिनापछि प्रक्षेपण परीक्षण गर्ने योजना ल्याएका छौं,’ टिम मेम्बर माेहन तामाङले भने ।
स्पेसपोर्ट अमेरिका कप–२०२१’ मा पहिलोपटक सहभागिताका लागि विद्यार्थीले रकेट परीक्षण गरेका हुन् । एक्सपेरिमेन्टल साउन्डिङ रकेट एसोसिएसन (ईएसआरए) र स्पेसपोर्ट अमेरिकाको संयुक्त आयोजनामा हुन लागेको प्रतियोगितामा ओपन रकेट्री एन्ड स्पेस सोसाइटी (ओआरएएसएस नेपाल) ले प्रतिस्पर्धा गर्दै छ ।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
