शुक्रवार, चैत्र ४ २०७८
सगरमाथा इन्जिनियरिङ कलेजले ‘समस्यामा आधारित शिक्षा परामर्शको भूमिका, अभ्यास र आवश्यकता’ सम्बन्धी कार्यशाला गोष्ठी सम्पन्न गरेको छ ।
'समस्यामा आधारित सिकाई' विद्यार्थी-केन्द्रित शिक्षण विधिहरू मध्य महत्त्वपूर्ण विधि हो । जसले विद्यार्थीहरूमा आलोचनात्मक सोच , समस्या समाधान गर्ने क्षमता र सञ्चार सम्बन्धि कलाको अभिबृद्धी गर्न निकै ठूलो अर्थ राख्दछ ।
फिनल्याण्डको आल्टो युनिभर्सिटीसँगको सहकार्यमा आयोजना भएको उक्त कार्यशाला गोष्ठीमा युरोपियन युनियनको इरास्मस प्लस कार्यक्रमले ‘दक्षिण एशियाली विश्वविद्यालयहरूमा समस्यामा आधारित शिक्षालाई सुदृढीकरण गर्ने परियोजना अन्तर्गत सहयोग गरेको हो ।
फिनल्याण्ड, भारत, नेपाल, भुटान, नेदरल्याण्ड र लिथुनियाका १० उच्च शिक्षा संस्थाहरुको संयुक्त पहलमा समस्यामा आधारित सिकाइले शिक्षामा उत्कृष्ट अभ्यासहरू विकास गर्ने उद्देश्य उक्त गोष्ठी आयोजना गरेको सगरमाथा इन्जिनियरिङ कलेजका प्रिन्सिपल रमेश श्रेष्ठले जानकारी दिनुभएको छ ।
प्रिन्सिपल श्रेष्ठले उल्लेखित देशहरूमा उच्च शिक्षा संस्थाका साझेदारहरूको क्षमता अभिवृद्धि गर्नका साथै यहाको पारिस्थितिक प्रणालीमा नाविन योगदान पुर्याउन उक्त कार्यशाला आयोजना गरिएको बताउनुभएको छ । उक्त गोष्ठीमा भारतको 'इन्डियन इन्स्टिच्युट अफ टेक्नोलोजी'ले विभिन्न शिर्षकमा कार्यपत्र समेत प्रस्तुत गरेको थियो ।
अर्को मिडिया प्रा.लि. बाट प्रकाशित
सुचना बिभाग दर्ता न. - १२५५/०७५-०७६
प्रेस कान्सिल दर्ता न. -६२८/०७५-७६
इमेल - infonayashiksha@gmail.com
तार्केश्वर १० काठमाडौ
प्रकाशक : अर्को मिडिया प्रा.लि.
सम्पादक : एम काफ्ले
प्रमुख संवाददाता : लक्ष्मण भुसाल
